JiwanJotSavera
Related Articles
ਜਲੰਧਰ (ਅਰੋੜਾ) :- ਲਾਇਲਪੁਰ ਖਾਲਸਾ ਕਾਲਜ ਜਲੰਧਰ ਆਪਣੇ ਵਿਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਲਈ ਵਚਨਬੱਧ ਹੈ। ਹਾਲ ਹੀ ਵਿੱਚ, ਜਦੋਂ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਸਿਵਲ ਡਿਫੈਂਸ ਦਾ ਸਮਰੱਥਾ ਨਿਰਮਾਣ ਕੋਰਸ ਆਯੋਜਿਤ ਕੀਤਾ, ਤਾਂ ਪ੍ਰਿੰਸੀਪਲ ਡਾ. ਰਛਪਾਲ ਸਿੰਘ ਸੰਧੂ ਨੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਦੱਸਿਆ ਕਿ ਕਾਲਜ ਦੇ 40 ਐਨ.ਐਸ.ਐਸ. ਵਲੰਟੀਅਰਾਂ ਨੇ 10 ਦਿਨਾਂ ਦੀ ਸਿਖਲਾਈ ਲਈ ਅਤੇ ਸਿਵਲ ਡਿਫੈਂਸ ਯੋਧੇ ਬਣੇ। ਡਾ. ਸੰਧੂ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਪੰਜਾਬ ਇੱਕ ਸਰਹੱਦੀ ਰਾਜ ਹੋਣ ਕਰਕੇ ਇਸ ਪ੍ਰੋਗਰਾਮ ਦੀ ਬਹੁਤ ਸਾਰਥਿਕਤਾ ਹੈ। ਉਹਨਾਂ ਵਲੰਟੀਅਰਾਂ ਨੂੰ ਪੂਰੀ ਲਗਨ ਨਾਲ ਇਸ ਕੋਰਸ ਵਿੱਚ ਕਾਮਯਾਬੀ ਹਾਸਲ ਕਰਨ ਲਈ ਵਧਾਈ ਦਿਤੀ। ਉਨ੍ਹਾਂ ਅੱਗੇ ਕਿਹਾ ਕਿ ਐਮਰਜੈਂਸੀ ਅਤੇ ਕੁਦਰਤੀ ਆਫ਼ਤਾਂ ਦੌਰਾਨ ਨਿਰਸਵਾਰਥ ਸੇਵਾ ਰਾਹੀਂ ਨਾਗਰਿਕਾਂ ਦੁਆਰਾ ਦੇਸ਼ ਦੀ ਸੇਵਾ ਕੀਤੀ ਜਾ ਸਕਦੀ ਹੈ ਅਤੇ ਇਸ ਪ੍ਰੋਗਰਾਮ ਦੇ ਸਿਖਿਆਰਥੀ ਬਹੁਤ ਜ਼ਰੂਰੀ ਰਾਹਤ ਕਾਰਜ ਪ੍ਰਦਾਨ ਕਰ ਸਕਦੇ ਹਨ।
ਐਨ.ਐਸ.ਐਸ. ਦੇ ਮੁੱਖ ਪ੍ਰੋਗਰਾਮ ਅਫ਼ਸਰ ਪ੍ਰੋ. ਸਤਪਾਲ ਸਿੰਘ ਨੇ ਦੱਸਿਆ ਕਿ ਵਲੰਟੀਅਰਾਂ ਨੇ ਕੁਦਰਤੀ ਆਫ਼ਤਾਂ, ਮੁੱਢਲੀ ਸਹਾਇਤਾ ਇਲਾਜ, ਅੱਗ ਬਚਾਅ ਪ੍ਰਣਾਲੀ, ਹੜ੍ਹ ਨਿਕਾਸੀ, ਰੋਕਥਾਮ ਅਤੇ ਰਾਹਤ ਕਾਰਜ, ਸੜਕ ਦੁਰਘਟਨਾ ਸੁਰੱਖਿਆ, ਸੀ.ਪੀ.ਆਰ. ਨੂੰ ਭਾਸ਼ਣ ਅਤੇ ਵਿਹਾਰਕ ਪ੍ਰਦਰਸ਼ਨਾਂ ਰਾਹੀਂ ਸਿੱਖਿਆ। ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਪ੍ਰੋਗਰਾਮ ਦੌਰਾਨ ਸਿੱਖੀਆਂ ਗਈਆਂ ਜੀਵਨ ਬਚਾਉਣ ਦੀਆਂ ਜਾਚਾਂ ਸ਼ੁਰੂਆਤੀ ਸਹਾਇਤਾ ਅਤੇ ਰਾਹਤ ਕਾਰਜ ਪ੍ਰਦਾਨ ਕਰਕੇ ਕਿਸੇ ਦੀ ਜਾਨ ਬਚਾ ਸਕਦੀਆਂ ਹਨ। ਇਨ੍ਹਾਂ ਵਲੰਟੀਅਰਾਂ ਨੂੰ ਟਰੈਕ ਸੂਟ, ਕਿੱਟਾਂ ਅਤੇ ਪੜ੍ਹਨ ਸਮੱਗਰੀ ਵੀ ਦਿੱਤੀ ਗਈ। ਸਮੂਹ ਦੀ ਅਗਵਾਈ ਕਰਨ ਵਾਲੇ ਐਨ.ਐਸ.ਐਸ. ਵਲੰਟੀਅਰਾਂ ਦੇਵਾਂਸ਼, ਰਘੁਨੰਦਨ ਅਤੇ ਪੂਜਾ ਨੇ ਕਾਲਜ ਗਵਰਨਿੰਗ ਕੌਂਸਲ ਦੇ ਪ੍ਰਧਾਨ, ਪ੍ਰਿੰਸੀਪਲ ਅਤੇ ਐਨ.ਐਸ.ਐਸ. ਯੂਨਿਟ ਦਾ ਧੰਨਵਾਦ ਕੀਤਾ ਕਿ ਉਨ੍ਹਾਂ ਨੂੰ ਅਜਿਹੀਆਂ ਜੀਵਨ ਰੱਖਿਅਕ ਸਿਖਲਾਈ ਗਤੀਵਿਧੀਆਂ ਦਾ ਹਿੱਸਾ ਬਣਨ ਦੀ ਆਗਿਆ ਦਿੱਤੀ ਗਈ।
